ಅಂತೆಕಂತೆಗಳ ಸಂತೆ...

ನಮ್ಮೂರಲಿ ರಸ್ತೆ ಅಗಲೀಕರಣವಂತೆ
ಮಾಡುವರು ಕಾರ್ಮಿಕರು ಬಿಟ್ಟು ತಮ್ಮೆಲ್ಲ ಚಿಂತೆ
ಫಲಕದಲಿ ಮೂತಿಗಳು ಪುಡಾರಿಗಳದಂತೆ
ಹಾಕಿರುವ ತೆರಿಗೆಹಣ ತಮದೇ ಎನುವಂತೆ

ದೇಶವದು ಭಾರತವು ಜಾತ್ಯತೀತವಂತೆ
ಮಾಡುವರು ಕಾನೂನು ಜಾತಿಗೆಗೊಂದರಂತೆ
ದಾಖಲೆಯಲಿ ಜಾತಿಯದು ಬೇಕೇ ಬೇಕಂತೆ
ಪುಡಾರಿಗಳಿಗಿದು ಮತ ಬ್ಯಾಂಕಿನಂತೆ

ಅನೇಕತೆಯಲಿ ಏಕತೆಯ ಸಂಕೇತವಂತೆ
ಸಕಲ ಭಾಷೆಗಳು ಇಲ್ಲಿ ಮಾನ್ಯವಂತೆ
ಹೇರುವರು ಹಿಂದಿಯನು ತಲೆಯ ಮೇಲಂತೆ
ಬೇರೆ ಭಾಷೆಗಳು ಎದ್ದೇಳದಂತೆ

ಪ್ರಧಾನಿಯನು ಕೊಂದವರು ತಮಿಳುಗ್ರರಂತೆ
ಇವರಿಗವಶ್ಯಕವು ನೇಣುಗಂಬವಂತೆ
ಮುಗ್ಧ ಜನರನು ಕೊಂದ ಜಿಹಾದಿಗಳನು
ಸಾಕುತಿಹರು ಇವರು ಅತಿಥಿಗಳಂತೆ

ಭಾರತವು ಬಡಾ ಬಡ ದೇಶವಂತೆ
ಪುಡಾರಿಗಳಿಗಿಲ್ಲ ಇದರ ಈ ಚಿಂತೆ
ಪೇರಿಪರು ಬ್ಯಾಂಕಿನೊಳು ನೋಟುಗಳ ಕಂತೆ
ತಮ್ಮ ಕಾಯವನು ಇದರಲೇ ಸುಡುವರಂತೆ

ಅಂತೆ ಕಂತೆಗಳಲ್ಲಿ ಕಳೆದಿರುವುದಂತೆ
ಜನಸಾಮಾನ್ಯನಾ ಜೀವನದ ಚಿಂತೆ
ಇವೆಲ್ಲ್ಲ ತಮಗೆ ಅನ್ವಯಿಸದಂತೆ
ಚಾಟಿ ಏಟಿನಾ ರುಚಿಗೆ ಎತ್ತೆಳೆಯುವಂತೆ