ಆಟೋ...

ಕೇಳಿದೆ ಆಟೋದವನನ್ನು
ಬರುವಿಯಾ ಎಂದು...
ಅಂದನವನು
ಅತ್ತ ಕಡೆ ಟ್ರಾಫಿಕ್ಕು, ಇತ್ತಕಡೆ ಇಕ್ಕಟ್ಟು
ಆಗುವುದು ದರ ದುಪ್ಪಟ್ಟು...
ದಿನಾ ಇದೇ ನಮಗೆ ಕಿರಿಕ್ಕು!

ಕೇಳಿದೆ ಆಟೋದವನನ್ನು
ಬರುವಿಯಾ ಎಂದು...
ಅಂದನವನು
ಅತ್ತ ಏಕಮುಖ ಸಂಚಾರ, ಇತ್ತ ಬರೀಸುತ್ತು ವಿಹಾರ
ಆಗುವುದು ದರ ದುಪ್ಪಟ್ಟು...
ಓಡುವುದಿಲ್ಲವೇ ಮೀಟರು
ಹೊಡೆದರೊಂದು ಸುತ್ತು?

ಕೇಳಿದೆ ಆಟೋದವನನ್ನು
ಬರುವಿಯಾ ಎಂದು...
ಅಂದನವನು
ಅತ್ತ ಬರಿಕಲ್ಲು, ಇತ್ತ ಕಡೆ ಹೊಂಡ
ಆಗುವುದು ದರ ದುಪ್ಪಟ್ಟು...
ಹಾಕಲಾದೀತೆ? ಇವನು
ಹೋಗುವ ಕಡೆ ಕಾಂಕ್ರೀಟು?

ಕೇಳಿದೆ ಆಟೋದವನನ್ನು
ಬರುವಿಯಾ ಎಂದು...
ಅಂದನವನು
ಅತ್ತ ಕಡೆ ಒಳಗೆ, ಇತ್ತ ಬಾಡಿಗೆ ಸಿಗದು
ಆಗುವುದು ದರ ದುಪ್ಪಟ್ಟು...
ಹುಡುಕಿ ಕೊಡಲಾದೀತೆ?
ಇತ್ತಕಡೆ ಪ್ರಯಾಣಿಕನನ್ನು?

ಕೇಳಿದೆ ಆಟೋದವನನ್ನು
ಅಸ್ಪತ್ರೆಗೆ ತಡವಾಗುವುದೆಂದು...
ಅಂದನವನು
ಇಂತಹವರೆ ದಿನಾ ನಮಗೆ
ಪ್ರಯಾಣಿಕರು.. ನೀವು ಹೊರತೇ?
ಆಗುವುದು ದರ ದುಪ್ಪಟ್ಟು...
ಇವರಿಗಿಲ್ಲವೇ?
ಮಾನವೀಯತೆಯ ಚೌಕಟ್ತು?

(ಪ್ರಾಮಾಣಿಕ ಆಟೋಚಾಲಕರ ಕ್ಷಮೆಕೋರಿ...)